Almatyda ıtalııalyq ekstremal velosıpedpen túrli trıýkter kórsetti
ALMATY. QazAqparat - Tanymal veloekstremalshy, velokaskadershy jáne Astana ProTeam velokomandasynyń brend-ambassadory Vıttorıo Brýmottı Qazaqstannyń bıikterin velosıpedpen «baǵyndyrdy», dep habarlaıdy QazAqparat tilshisi.
Italııalyq Almatynyń saýda úılerinde sholý dóńgeleginiń ústimen júrip ótti. Aıta ketý kerek, sholý dóńgeleginiń bıiktigi - 60 metr.
Sondaı-aq, Vıttorıo Almatydaǵy jer ústi jaıaý júrginshi jolyn umyt qaldyrmady, Ál-Farabı dańǵylyndaǵy kópirdiń súıenishterimen júrip ótti. Ol Qazaqstanda, ásirese Almatyda budan keıin de velo-shoý jasaıtynyn aıtyp ýáde berdi.
«Meniń esimim Vıttorıo Brýmottı. Men qarapaıym jarysqa túsýshi emespin, Astana ProTeam velokomandasynyń ekstremalymyn. Qazaqstan boıynsha qyzyqty shoýlarymdy nazardan tys qaldyrmańyzdar», - dedi sportshy áleýmettik jelilerde taraǵan beınerolıginde.
Brýmottı 2016 jylǵy jeltoqsan aıynan beri Astana Prom Team komandasynyń brend-ambassadory bolyp keledi. Sondaı-aq, Vıttorıo - velotrıaldan álem chempıony (2006 jyl). Ol birneshe álemdik rekordtardy ornatyp, Gınnestiń rekordtar kitabyna engen.
Vıttorıo Almatydan keıin Astanaǵa attanady.
