Almatyda «IT- Planeta 2011» halyqaralyq olımpıadasynyń jeńimpazdary anyqtaldy

Esterińizge sala keteıik, ınformatsııalyq tehnologııa salasyna arnalǵan olımpıadaǵa ótken jyly jeltoqsan aıynda syrttaı týrdyń jeńimpazy atanǵan 149 stýdent qatysty. Ol baıqaýǵa elimizdiń ár aımaǵynan 1000-nan asa qazaqstandyq stýdent qatysqan bolatyn. 

Bul ishki týrda stýdentter tórt baıqaý boıynsha synǵa tústi. Olar: «Oracle Java Olympic baǵdarlamalaý» , «Oracle SÝBD Olympic baǵdarlamalaý», «Hattamalar,  servıster jáne jabdyqtar», « Windows Server 2008 R2 basqarý». Ár baıqaý 4-5 saǵatqa sozyldy. 

«Tapsyrmalardyń qıyndyǵyna qaramastan, qatysýshylar baıqaýda úzdik nátıjeler kórsetti», - deıdi shara uıymdastyrýshylary.  

Baıqaý nátıjesi boıynsha  «Oracle Java Olympic baǵdarlamalaý» baıqaýynyń jeńimpazy Qazaq-Brıtan tehnıkalyq ýnıversıtetiniń stýdenti Madııar Aıtbaev atandy. Al, «Oracle SÝBD Olympic baǵdarlamalaý» synynyń bas júldesin Halyqaralyq ınformatsııalyq tehnologııa  ýnıversıtetiniń stýdenti Nurlan Seıitqojaev jeńip aldy. «Hattamalar,  servıster jáne jabdyqtar» baıqaýyn Almaty energetıka jáne baılanys ýnıversıtetiniń stýdenti  Evgenıı  Borodın jeńip alsa, «Windows Server 2008 R2 basqarý» baıqaýynyń birinshi ornyn Qazaq qarjy-ekonomıkalyq akademııasynyń stýdenti  Sergeı Strýkov ıelendi. Endi olar sáýir aıynda ótetin aqtyq synǵa qatysatyn bolady.  

Barlyq jeńimpazdar atalmysh sharaǵa demeýshilik kórsetken Microsoft, Qazaqtelekom, QR UB Banktik servıstik bıýrosy, Oracle, EPAM Systems, D-Link kompanııalarynyń syılyqtarymen jáne arnaıy dıplomdarmen marapattaldy.