Almatyda ІT-mamandaryna arnalǵan Microsoft TechDays 2011" semınary ótip jatyr

TechDays - Microsoft korporatsııasynyń jobasy. Sharany uıymdastyrýshylardyń aıtýynsha, negizgi maqsat - tehnıkalyq mamandardy jasaqtaý jáne olarǵa kásiporyndaǵy ınfraqurylymdy basqarý salasyndaǵy sońǵy tehnologııalar jaıly málimetterdi jetkizý.

«Bizdiń kompanııa kásipqoı ІT-mamandardy qoldaýǵa úlken mán beredi jáne mundaı semınar olar úshin úlken múmkindik. TechDays tyńdarmandardyń kásibı sheberligin arttyrýmen qatar olar ókilettilik etip otyrǵan kompanııalardyń ósýine barynsha yqpal etedi», -deıdi Microsoft Qazaqstannyń Bas dırektory Gıýnter Dam.

Atalǵan semınarǵa jergilikti ІT-uıymdar men túrli saladaǵy ІT-departamentterinen 80-ge jýyq adam qatysýda.

Sondaı-aq jıyn barysynda Qazaqstandaǵy Microsoft ókilderimen qatar Ortalyq jáne Shyǵys Eýropa aımaǵyndaǵy kompanııa qyzmetkerleri baıandama jasady. Negizgi baıandamalar Microsoft-tyń zamanaýı veb-tuǵyrnamasy men ІT-mamandar, veb-jasaqtaýshylar jáne dızaınerlermen qatar qarapaıym tutynýshylardyń jańa kókjıekterge jol bastaıtyn múmkindikterine arnaldy.

«Búgingi shara jasaqtaýshylarmen qatar jalpy ІT-mamandar úshin edáýir mańyzdy oqıǵa bolyp otyr. Al stýdentter qaýymyna bul semınar JOO-ny támamdaǵan soń qandaı qyzmetpen aınalysatynyn, qandaı qoldanbaly máselelerdi sheshýge týra keletinin túsinýge kómektesedi», -dep atap ótti Halyqaralyq ІT ýnıversıtetiniń oqytýshysy Vıktor Dmıtrıev.