Almatyda ıslamı klınıka ashyldy
ASTANA. 15 qarasha. QazAqparat /Gúlmıra Alıakparova/ - Almaty qalasynda tuńǵysh ret sharıǵat talaptaryna saı emdeıtin klınıka ashyldy. Bul týraly Qazaqstan musylmandary dinı basqarmasynyń resmı saıtynada habarlandy.
«Al Med» klınıkasynyń iske qosylýyna «Takafýl» halal saqtandyrý qory muryndyq boldy. Emdeý ortalyǵynyń basqalardan ereksheligi - syrqattarǵa múmkindiginshe sharıǵat talaptaryna saı kómek kórsetedi. Onda namazhana bólmesi bar, emdelýshiler men qyzmetkerlerge qulshylyqtaryn oryndaýǵa tolyq múmkindikter jasalǵan. Sondaı-aq, bala emizý úshin arnaıy oryn da qarastyrylǵan.
«Klınıkada áıelder men erlerdi de bólek emdeý jaǵy oılastyrylyp, quramynda spırt ne shoshqa ónimderi bar dáriler qoldanylmaıdy. Syrqattarǵa 20-dan astam kásibı maman qyzmet kórsetedi», - delingen taratylǵan habarlamada.
