Almatyda ıslamı ekonomıka máselelerin ǵylymı jáne kásibı turǵyda kóteretin portal ashyldy
ALMATY. 20 naýryz. QazAqparat - Almatyda ıslamı ekonomıka men qarjy máselelerin ǵylymı-kásibı turǵyda kóteretin www.Al-halal-magazine dep atalatyn Qazaqstandaǵy tuńǵysh ıslamı ekonomıkalyq portal ashyldy.
Internet-basylymnyń bas redaktory, Halyqaralyq zamanaýı ıslamdyq ekonomıka jáne qarjy ınstıtýtynyń prezıdenti, QR UǴA akademıgi, ekonomıka ǵylymynyń doktory Oraz Baımuratov. Endi olar taıaý ýaqytta mamandandyrylǵan jýrnal shyǵarýdy da josparlap otyr. Birneshe basylymǵa quryltaıshy bolyp otyrǵan Halyqaralyq zamanaýı ıslamdyq ekonomıka jáne qarjy ınstıtýtynyń basty maqsaty - Islam ekonomıkasynyń modelin keshendi túrde zertteý.
«Elimizde ıslamı bankıng týraly zań qabyldanyp, alǵashqy ıslam banki ashylǵanymen onda áli de bolsa sheshilmegen másele kóp. Shyntýaıtyna kelgende, qoǵamda ekonomıkanyń ıslamı modeline kóshýge oń kózqaras qalyptasa qoıǵan joq. Basqasyn aıtpaǵanda, ekonomıst ǵalymdarymyzdyń ózderi ıslamı ekonomıkanyń mán-maqsatyn jete túsinbeı otyr», - deıdi O.Baımuratov. Onyń aıtýynsha, ıslam ekonomıkasynyń negizi nemese ıslam ekonomıkasynyń modeli sonaý ortaǵasyrlyq musylman dininiń ilimshileri men quqyqtanýshylarynyń áıgili eńbekterinde qalanǵan. Al ıslamı ekonomıkalyq oılardyń qaıta jańǵyrýy HH ǵasyrdyń ekinshi jartysyna sáıkes keledi. 1990-jyldardan bastap búkil álemde ıslamdyq qarjy quraldary sandyq jáne sapalyq turǵydan ósýde.
