Almatyda ıslam mádenıeti men halyq dástúrleri arqaý bolǵan keńes ótip jatyr
ALMATY. 21 jeltoqsan. QazAqparat /Erlik Erjanuly/ - Dindi jamylǵan keıbir toptar sharıǵat tıym salǵan is-áreketterdi jasap, ıslamǵa qara kúıe jaǵyp jatyr.
Bul jaıly búgin Almatyda ótip jatqan "Islam mádenıeti jáne qazaq halqynyń dástúrleri: túıisýlar men qaıshylyqtar" dep atalatyn dóńgelek ústel jıynynda aıtyldy.
"Din atyn jamylyp júrgenderdiń is-áreketi osyndaı sharalarda keńinen taldanýy kerek. Dinniń eshqandaı ekstremızmge de, lańkestikke de qatysy joq. Máselen ıslam sózi beıbitshilik degen maǵynany bildiredi. Dinimiz bir adamdy jazyqsyz óltirý bul búkil adamzatty óltirý degen erejeni ustanady. Adamdarǵa osy aqıqat jetkiziledi degen senimdemin", - deıdi Almaty qalasy Ortalyq meshiti Bas ımamynyń orynbasary Ersin Ámire. Onyń aıtýynsha, lańkestikke qarsy kúreste ár adam óz úlesin qosýy kerek. Ol quqyq qorǵaý organdary men ımamdardyń tirligi deýge bolmaıdy. Memlekettiń barlyq azamaty belsendi túrde oǵan atsalysýy qajet.
