Almatyda iskerlik týrızm belsendi túrde damytylmaq
Onyń aıtýynsha, ІCCA-ǵa múshelik – Almatydaǵy MICE týrızmdi (iskerlik) halyqaralyq arenada damytý josparynyń bir bóligi.
«Іskerlik týrızmde Almatyǵa jaqyn ornalasqan etnoaýyl tanymal bola alady. Korporatıvtik klıentterge arnalǵan arnaıy baǵdarlamalar, tımbıldıng, raftıng, paraplandar sııaqty túrli is-shara bar», - dedi ol.
Spıkerdiń sózinshe, MICE týrızmi – korporatıvtik is-sharalardy uıymdastyrýmen jáne ótkizýmen baılanysty iskerlik týrızm.
«MICE týrızmi (iskerlik) neni qamtıdy? Meetings – korporatıvtik kezdesýler. Incentives – tımbıldıng jáne qyzmetkerlerge arnalǵan yntalandyrý týrlary. Conferences – iskerlik konferentsııalar, kongresster, forýmdar, semınarlar. Events – mekemeden tys, kóshpeli kontsertter, kórmeler jáne taǵy basqalary», - dep túsindirdi spıker.
Ásem Qozbaǵarova ICCA-ǵa múshe bolý qala úshin óte jaqsy oqıǵa dep sanaıdy.
«Bul platforma ártúrli oqıǵalarǵa qol jetkizýge múmkindik beredi. Qala keıbir is-sharalardy ótkizý úshin osy Qaýymdastyqqa múshe basqa qalalarmen básekege túse alady. Olar uıymdastyrýshylarǵa túrli usynys jasaýǵa múmkindik aldy», - dep qosty Ásem Qozbaǵarova.
Týrıstik kompanııanyń bas dırektory qalaǵa ártúrli elderden keletin týrısterdiń kóbeıgenin aıtty. Tek sońǵy úsh aıda onyń uıymynyń qyzmetin 500-den astam adam paıdalanǵan.
«Basqa kompanııalar da bar. Týrıster ártúrli. Qalaǵa týroperatorlar arqyly keletinder bar, ózderi keletinder de bar, keıbir bıznes seriktesteriniń shaqyrtýymen keletinder de jıi kezdesedi», - dedi ol.
Sonymen qatar, ol Almaty – týrısterdiń ekskýrsııalyq qyzyǵýshylyǵyn týdyratyn qala ekenin atap ótti.
«Bizde tarıhı eskertkishter bar. Týrıster qalada saıahat jasaı alady. Mundaǵy eń tanymal oryndar ishinde: Medeý, Shymbulaq, Kóktóbe. Sondaı-aq, qala mańynda Sharyn shatqaly, Kólsaı kólderi, Qaıyńdy, Esik kóli bar. «Altyn-Emel» memlekettik ulttyq tabıǵı saıabaǵy men «Tańbaly» memlekettik tarıhı-mádenı jáne tabıǵı mýzeı-qoryǵyn da aıtýǵa bolady», - dedi spıker.
Eske salaıyq, 2022 jyldyń 1 tamyzynan bastap Almaty qalasy ICCA halyqaralyq kongrester men konferentsııalar qaýymdastyǵynyń múshesi boldy (International Congress & Convention Association).
Aıta ketsek, ICCA músheleri – 88 túrli eldegi 950 qala. ICCA reıtıngisine sáıkes, Qazaqstan MICE-týrızm boıynsha álemde 79-orynda (2020).
