Almatyda iske qosylǵan «Sergek – Patrýl» qalaı jumys isteıdi

ASTANA. QazAqparat – Polıtsııa almatylyq kólik aıdaýshylardyń áreketin «Sergek – Patrýl» kesheni arqyly qadaǵalamaqshy, dep habarlaıdy QazAqparat tilshisi.

Bul jaıynda Іshki ister mınıstrliginiń ókili Shuǵyla Turlybek aıtty.

«Almaty polıtsııasynda jańa «Sergek – Patrýl» kesheni tanystyryldy. Bul fýnktsıonal megapolıste jol qaýipsizdigin qamtamasyz etýge jáne apat deńgeıin tómendetýge baǵyttalǵan.

Kameralar men joǵary ıntellekt kómegimen keshen qajetti kólikti kóp kólik aǵyny ishinen anyqtaıdy, memlekettik nómirdi tanıdy jáne derekterdi serverge jiberedi.

Sondaı-aq memlekettik tirkeý nómirlik belgisi jalǵan nómir emestigine, tehnıkalyq baıqaýdyń jáne saqtandyrý polısiniń bolmaýyna, tólenbegen aıyppuldardyń bolýyna, urlyqqa jáne qandaı da bir qylmysqa qatysy bar-joǵyna tekseriledi», - dei ol brıfıngide.

Baǵdarlama qoǵamdyq kólikke arnalǵan jolaqtarda jol erejelerin buzý derekterin de túsiredi.

«Jańa avtomattandyrylǵan keshen óziniń tehnıkalyq múmkindikterin aıtarlyqtaı jaqsartty. Jabdyq táýliktiń qarańǵy ýaqytynda, qolaısyz aýa-raıynda jáne aıazda jaqsy jumys isteıdi. Avtomattandyrylǵan baǵdarlamalyq keshen «Qorǵaý» mobıldi qosymshasymen biriktirilgen», - dedi Shuǵyl Turlybek.