Almatyda iske qosylǵan iAzamat ınteraktıvti qosymshasy qalaı jumys isteıdi
«Almaty qalasyn damytý ortalyǵy» AQ basqarma tóraǵasynyń orynbasary Nurtas Qaıyrovtyń aıtýynsha, IAzamat qosymshasy Memleket basshysynyń «Halyq únine qulaq asatyn memleket» tujyrymdamasyn oryndaý maqsatynda árbir jergilikti atqarýshy organda turǵyndarmen tikeleı jáne keri baılanys ornatý úshin jasalǵan.
«Bul qosymsha - turǵyndar men qala bıliginiń dıalog alańy. Ol jerde azamattar túrli joba boıynsha óz usynystaryn aıtyp, talqylaı otyryp, pikir qaldyra alady. Sondaı-aq, ol jerden qalada qandaı jobalar iske asyrylyp jatqanyn kórip, olardyń qalaǵa qanshalyqty qajet ekenine baǵa berýge bolady»,– deıdi ol.
Sonymen qatar ol atalǵan qosymsha arqyly turǵyndardyń pikirin eskere otyryp qalanyń ınfraqurylymy, jol júıesi jasalatynyn jetkizdi.
«Qaı jerdi abattandyryp, kógaldandyrý kerektigin de osy qosymshada talqylap, iske asyramyz. Almatylyqtardyń barlyq usynystary men pikirleri qosymshada kórinip turady. Oǵan qosa qala ákimdigi men túrli qurylym basshylary onlaın rejımde turǵyndardyń saýaldaryna tikeleı jaýap berip otyrady»,– deıdi Qaıyrov.
Budan bólek, jobalardan tys bul qosymshadan qalaǵa qatysty ózekti maǵlumattardy alýǵa bolady. ıAǵnı, qaladaǵy bilim, ekonomıka, mádenıetke qatysty qajetti málimetter men jetistikter turǵyndar nazaryna usynylyp otyrady.
Sonymen qatar, azamattar qalada jańadan ashylyp jatqan nysandar jaıly bilip otyrady.
Buǵan deıin Baqytjan Saǵyntaev iAzamat ınteraktıvti qosymshasy iske qosylǵanyn habarlaǵan bolatyn.
