Almatyda ishimdikke sylqııa toıyp, kólik urlamaq bolǵan adam qolǵa tústi
ALMATY. QazAqparat – Almatyda buryn úsh ret sottalǵan er adam kólik urlamaq bolyp ustaldy, dep habarlaıdy QazAqparat.
Almaty qalalyq Polıtsııa departamentiniń jedel basqarý ortalyǵyna belgisiz er azamattyń Almaly aýdanyndaǵy Seıfýllın men Bógenbaı batyr qıylysynda «Mazda» markili kólikti aıdap ketkendigi týraly habar kelip túsken.
«Urlanǵan kólik pen er adamdy ustaýǵa polıtsııanyń keshendi kúsh quramy jumyldyryldy. Keshirek «Boran-049» ekıpajy ishimdikke toıyp alǵan júrgizýshini qolǵa túsirdi. Kúdiktiniń sózinshe, ol kólikke jasandy kiltterdi salyp kóre otyryp, ashyp kirgen. Bótenniń mulkin ıemdenip ketý faktisi boıynsha, sotqa deıingi tergeý jurip jatyr»,-dep habarlady Almaty qalalyq Polıtsııa departamenti.
