Almatyda ıshemııalyq ınsýltty emdeýge jasandy ıntellekt qoldanyla bastady
Bul anyqtaý júıesi «Cerebra» jasandy ıntellekt negizinde júzege asady.
Almaty qalalyq N7 klınıkalyq aýrýhanasynyń bas dárigeri, professor Manas Ramazanovtyń aıtýynsha, almatylyq jas ІT-mamandardyń jasap shyǵarǵan jańa jobasyn alǵash bolyp osy aýrýhana engizdi. Ázirge júıe pılottyq rejımde isteıdi, alaıda óziniń tıimdiligin kórsetip te úlgerdi. Jasandy ıntellektiń kómegi tıgen alǵashqy patsıent te bar.
N7 klınıkalyq aýrýhananyń Qan-tamyrlary neırohırýrgııasy bólimshesiniń dárigerleri ıshemııalyq ınsýlt alǵan 71 jastaǵy patsıentke jasandy ıntellekt kómegimen birinshi operatsııa jasady. Patsıent atalǵan aýrýhananyń qabyldaý bólimine sol jaq denesi múldem qımylsyz, betinde assımetrııamen jáne qulaǵy esh estimeıtin jaǵdaıda túsken edi. Tez arada kompıýterlik tomografııa jasalyp, «Cerebra» júıesinde óńdeldi. Shuǵyl túrde bas mıynyń oń jaq ortańǵy arterııasyna mehanıkalyq tromboekstraktsııa jasaldy. Operatsııadan keıin patsıent esin jıyp, eki aıaǵyn teń basatyn deńgeıge jetti, tek qolynda álsizdik bar. Patsıent endi ońaltý em-sharasyn qabyldamaq. Qan-tamyrlary neırohırýrgııasy bólimshesiniń meńgerýshisi Raýan Qasteı ınsýlt kezinde mıdaǵy qan aınalymyn, aǵza jumysyn qalpyna keltirý bastapqy «altyn ýaqyt» sanalatyn 4,5 saǵatta ǵana múmkin ekenin aıtady. Avtomattandyrylǵan platforma ınsýlttyń bar-joǵyn 5-10 mınýtta anyqtap beredi jáne tez arada bas mıynyń qan tamyrlaryndaǵy ózgeristi kórsetedi. Bul klınıkalyq-dıagnostıkalyq baǵdarlama ınsýltty erte deńgeıde anyqtap, birden ıshemııaǵa ushyraǵan aımaqty bilýge, ýaqytynda emdeýdi bastaýǵa, operatsııa jasaýǵa qarsy kórsetilimniń bar-joǵyn anyqtaýǵa, nemese trombolıtıkalyq terapııa jáne ınsýltpen túsken patsıentke qajetti anyqtaý men emdeý sharalaryn atqarýǵa múmkindik beredi.
Aıta keteıik, bıylǵy 22 qańtar kúni QR Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın Almaty qalasyna jumys sapary kezinde N7 qalalyq klınıkalyq aýrýhanada bolǵan edi. Mınıstrge «Cerebra» baǵdarlamasy tanystyryldy. Jýrnalısterge bergen suhbatynda Baǵdat Mýsın ásirese medıtsına salasynda mundaı jobalardyń mańyzdylyǵyn jáne jasandy ıntellekt negizinde ony ary qaraı damytý qajettigin atap ótti. Jaqyn arada «Cerebra» jobasyn Almaty men Nur-Sultan qalalarynyń basqa da iri klınıkalarynda engizý josparlanyp otyr.
