Almatyda iri JOO-lardy qala syrtyna kóshirý usynyldy
ALMATY. QazAqparat – Kazakhstan Urban Conference 2019 otyrysynda Almaty ákimi Baqytjan Saǵyntaev «Almaty 2050» strategııasyna qatysty turǵyndardyń usynystaryn tanystyrdy, dep habarlaıdy QazAqparat tilshisi.
Ákimniń aıtýynsha, qala turǵyny Álisher Saǵıdollaev iri JOO ǵımarattaryn qala syrtyna shyǵarýǵa usynys bildirgen.
Shahar basshysy bul usynys muqııat talqylaýdy qajet etetindigin, eger JOO-lar qala syrtynda óz ýnıversıtettik kampýstaryn salsa, jaqsy bolatynyn atap ótti.
«Keıbir ýnıversıtetter qala syrtynda óz qalashyǵyn qurap, kampýs jasasa bolady. Alataý ınnovatsııalyq tehnologııalar parki mańyna ornalasý týraly biraz ýnıversıtet basshylyǵy usynys bildirgen de bolatyn. Alaıda, bul suraq muqııat talqylaýdy qajet etedi. Sebebi, ol jaqta ornalasý úshin aldymen, yńǵaıly kólik ınfraqurylymyn sheship alý kerek. Múmkin, metrony tartý kerek, álde qalamen baılanysty jaqsartýǵa múmkindik beretin basqa da joldardy izdeý qajet», - dedi ákim.
