Almatyda iri jol apatynan japa shekkender sany 23 adamǵa jetti
ALMATY. QazAqparat - Almatyda qoǵamdyq kólik pen «Gelendvagen» kóliginiń soqtyǵysýynan japa shekkender sany 23 adamǵa jetti, onyń bireýi sábı, dep habarlaıdy QazAqparat tilshisi.
Almaty qalasynyń Densaýlyq saqtaý basqarmasynyń málimetine súıensek, 23 japa shekkenderdiń 7-eýi aýrýhanaǵa jatqyzylǵan.
«7 eresek adam, 1 bala aýrýhanaǵa jatqyzyldy. Olardyń jaǵdaıy ártúrli, jaraqattary aýyr. Eki eresek adam men bir bala jansaqtaý bóliminde. Barlyǵy 23 adam zardap shekti. Qalǵandaryna oqıǵa ornynda medıtsınalyq kómek kórsetilip, ambýlatorııalyq emdelýge jiberildi», - dedi Densaýlyq saqtaý basqarmasynyń BAQ-pen jumys bóliminiń basshysy Leıla Imanǵalıeva.
Eske sala keteıik, búgin Almatyda iri jol-kólik oqıǵasy boldy. Buǵan deıingi aqparattarda 17 adamnyń japa shekkeni týraly aıtylǵan.
