Almatyda iri jol apaty boldy
ASTANA. QazAqparat - Almatyda Audi A7 avtokóliginiń júrgizýshisi iri jol apatyn jasaǵannan keıin, oqıǵa ornynan boı tasalady, dep habarlaıdy motor.kz.
Dostyq dańǵyly men Qabanbaı batyr kóshesiniń qıylysynda birneshe kólik apaty oryn aldy. Audi A7-niń júrgizýshisi Dostyq dańǵylymen kele jatyp, Mercedes-Benz W124 kóligimen túıisken. Qatty soqqydan Mercedes-Benz W124 jol boıyna turaqqa qoıylǵan kólikterge qaraı ushyp ketip, taǵy bir Mercedes-ti urdy. Al Audi kóligi soqqydan keıin aınala bastap, Lada Granta-ǵa soǵylǵan, Lada Granta bolsa ózimen birge Daewoo Nexia-ny ilip áketken. Apatqa kýá bolǵandardyń aıtýynsha, Audi A7 júrgizýshisi kólikti tastap, ózi belgisiz baǵytta boı tasalaǵan. Jol apaty saldarynan Audi men Mercedes-Benz jolaýshylary zardap shekti.
