Almatyda iri jol apaty: 9 adamdy jedel járdem alyp ketti
ALMATY. QazAqparat - Almatyda Toyota Land Cruiser Prado-men Hyundai Accent-tiń soqtyǵysýynan 9 adam zardap shekti, dep habarlaıdy QazAqparat tilshisi. Oqys oqıǵa tańǵy saǵat 5-6-lar shamasynda bolǵan.
Alǵashqy málimet boıynsha Toyota Land Cruiser Prado Qabanbaı kóshesinde baǵdarshamnyń qyzyl túsine ótip ketken.
Ol Fýrmanov kóshesimen kele jatqan Hyundai-ǵa qaǵyp ótedi. Soqqydan Hyundai turaqtaǵy Gazel kóligine baryp soǵylady. Hyundai kóligindegi jolaýshylardyń birin alyp shyǵý úshin gıdravlıkalyq quraldar paıdalanýǵa týra keldi.
Jol apatynan barlyǵy 9 adam japa shekken.
Prado kóliginiń júrgizýshisi óte aýyr jaǵdaıda aýrýhanaǵa jetkizildi.
Jol apatynyń sebepterin jol polıtsııasy anyqtap jatyr.
