Almatyda iri sýpermarketterdiń jumysy qalpyna keltirildi
ALMATY. QazAqparat – Almatyda iri saýda jelileriniń jumysy qalpyna keltirildi, dep habarlaıdy QazAqparat tilshisi.
«Búgingi kúni «Magnum», «Toımart» jáne «Small» sýpermarketteriniń 28 fılıaly ashyq. Saýda nysandarynda, jetkizýshiler men dıstrıbıýtorlardyń qoımalarynda azyq-túlik qory jetkilikti kólemde. Qaýipsizdikti qamtamasyz etý boıynsha sharalar qabyldandy. Aldaǵy eki kúnge saýda jelilerinde tańǵy saǵat 09.00-den bastap keshki 18.00-ge deıin jumys kestesi belgilendi», - dedi Almaty qalalyq Kásipkerlik jáne ınvestıtsııalar basqarmasynyń baspasóz qyzmetinen.
9 qańtar kúni «Magnum» saýda jelisi 40 dúkenin ashady. Jumys ýaqyty 09.00 – 18.00 aralyǵynda.
Onymen qosa, 9 qańtarda qalanyń barlyq ónerkásiptik kásiporyndarynyń, birinshi kezekte azyq-túlik ónerkásibiniń qyzmetin qalpyna keltirý josparlanýda.
