Almatyda iri saýda oryndarynda reıd júrgizildi
ALMATY. QazAqparat – Almatyda karantınnen keıin ashylǵan aýdany 4 myń sharshy metrden asatyn saýda oryndarynda reıd júrgizildi, dep habarlaıdy QazAqparat tilshisi.
25 mamyrdan keıin qalada meıramhanalar, hımııalyq tazalaý oryndary, sulýlyq salondary, býtıkter, saýda oıyn saýyq ortalyqtary ashylǵan bolatyn.
Qalalyq bas sanıtarlyq dárigerdiń qaýlysymen bul nysandar keshki 23:00 aralyǵynda jumys isteıdi. Kásipkerlerden sanıtarlyq talaptardy saqtaý qatań talap etiledi.
Ár nysanǵa kirmes buryn dene qyzýyn ólsheý kerek, sanıtaızerler ornalastyrylýy tıis.
Búgin Jetisý aýdandyq ákimdigi men sanıtarlyq epıdemıologııalyq qyzmetiniń ókilderi «Beles» saýda úıin aralap kórdi.
«Reıd barysynda kóptegen býtıkterde sanıtarlyq talaptardyń buzylǵany anyqtaldy. Dúken sóreleri tazalanbaǵan, dezınfektsııalyq quraldardyń qosymsha qujattary joq. Keı saýdagerler qolǵap pen maskasyz jumys istep jatyr. Shaǵyn mekemelerde 3 adamnan artyq bolmaýy tıis. Adamdardyń ara qashyqtyǵy 1 metr bolýy qajet», - dedi Jetisý aýdandyq taýarlar men qyzmetterdiń sapasy men qaýipsizdigin baqylaý basqarmasynyń bólim basshysy Bolsynaı Shalysbaeva.
Onyń aıtýynsha, ereje buzǵan nysan basshylaryna túsindirý jumystary júrgiziledi.
Kásipkerler aýdandyq ákimdikke shaqyrylǵan. Saýda ornynyń damý boıynsha menedjeri bul nysanda 150 ShOB sýbektisi jumys istep jatqanyn aıtty.
Ǵımaratqa kireberiste dezınfektsııalyq dáliz ornatylǵan. Kelýshilerdiń dene qyzýy tekseriledi.
Munyń aldynda qalanyń bas sanıtarlyq dárigeri Jandarbek Bekshın qalada reıd sharalary jıi júrgizilip turatynyn aıtqan bolatyn. Tekserý nátıjesinde 39 nysannyń jumysy toqtatylǵan.
