Almatyda iri kólemdegi geroınmen Qyrǵyzstan azamaty ustaldy
ALMATY. 12 qazan. QazAqparat /Ádilet Musahaev/ - Bishkektiń 31-jasar turǵynynyń almatylyq esirtki bıznesimen kúresýshilerdiń nazaryna ilikkenine kóp ýaqyt bolmaǵan. Tergeýshiler Rýslan Almatyǵa geroın jetkizýdegi negizgi arna ekendigi jaıynda jedel aqpar alǵan.
"Jaqyn kúnderi bul azamat qaladaǵy "Saıran" halyqaralyq avtobeketinde quryqtaldy. Ustalý kezinde ol tyıym salynǵan zattardy saqtaǵandyǵyn teriske shyǵaryp baqty. Alaıda tintý kezinde onyń kúrteshesiniń sol jaq qaltasynan geroın untaqtary tabyldy",-deıdi qalalyq ІІD esirtki saýdasymen kúres basqarmasynyń bastyǵy, polıtsııa polkovnıgi Denıs Loskýtov.
Tabylǵan oramada 194 gramm geroın bolǵan. Mundaı qorytyndyny arnaıy sot-hımııalyq saraptama mamandary bergen.
Sondaı-aq ustalýshynyń ózi jeti jyldan beri esirtki zattaryn paıdalanyp kelgen.
