Almatyda iri kólemde qarjy jymqyrdy degen kúdikpen 40 jastaǵy er adam ustaldy
ALMATY. QazAqparat - Almatyda iri kólemde qarjy jymqyrdy degen kúdikpen 40 jastaǵy er adam ustaldy. Bul týraly qalalyq ІІD baspasóz qyzmeti habarlady.
Qylmystyq is 2015 jyly qozǵalǵan edi. Kúdiktige janarmaı stansasynyń jalǵan qujattaryn kepilge qoıyp, 50 mln teńge kóleminde nesıe aldy degen aıyp taǵyldy. Bultartpaý sharasy retinde ony qamaýǵa alý týraly sheshim shyqqanyna qaramastan, ol zań oryndarynan jasyrynyp júrgen.
«Ýnıversıada qarsańyndaǵy jedel profılaktıkalyq tekserý barysynda krımınaldy polıtseıler 40 jastaǵy kúdiktini Jetisý aýdanynan taýyp aldy. Qazir ol ýaqytsha oqshaýlaǵyshqa qamaldy», - dedi S.Ázirbek.
Onyń aıtýynsha, tekserý sharasy bastalǵaly beri jalpy alǵanda 21 qylmysker ustalǵan. Onyń ishinde Pavlodar, Astana, Shyǵys Qazaqstan oblystarynda izdeýde júrgen kúdiktiler bar.
