Almatyda iri kólemde geroın tárkilendi
ALMATY. 21 sáýir. QazAqparat /Ádilet Musahaev/ - Almatyda iri kólemdegi geroın tárkilendi, bul jaıynda Almaty qalasy ІІD-niń baspasóz qyzmeti habarlady.
Arnaıy operatsııa keshke keshki saǵat 8-der shamasynda júrgizilgen. Esirtki satýshy Bostandyq aýdanyndaǵy úılerdiń bir bólmeli páterinde qolǵa túsken."Biz ony úsh ret esirtki saýdalap jatqandyǵyn beınetaspaǵa túsirip aldyq. Baqylaý retinde ótkizilgen satyp alýdyń nátıjesinde qylmystyq iske jetkizildi. Bul joly ol qylmys ústinde ustaldy. Ony tekserý barysynda satylymǵa daıyndap qoıǵan birneshe oramdaǵy geroın tabyldy. 1,5 keli geroındi ol tósek qaptamasyna tyǵyp qoıǵan, ári ony 15 myń dollarǵa satpaqshy bolǵan", -deıdi Almaty qalasy ІІD esirtki saýdasyna qarsy kúres basqarmasynyń bastyǵy, maıor Denıs Loskýtov.
Kúdikti óz kinásin moıyndaı kele, óziniń de esirtkige táýeldi ekendigin jetkizgen.Tárkilengen esirtki óte iri kólemdi dep tanylýda, sondyqtan qylmystyq is QR QK-nyń 259 babynyń 4-shi tarmaǵy boıynsha qozǵaldy. Tártip saqshylary esirtkiniń Almatyǵa jetkizilý arnasyn anyqtaýǵa kirisip ketti. Atalǵan oqıǵa boıynsha esirtki eldiń ońtústik aımaǵynan jetkizildi degen paıymdaýlar jasalýda.
