Almatyda iri kólemde esirtki tárkilendi
ALMATY. Qyrkúıektiń 9-y. QazAqparat /Erbol Turymbetov/ - Almatyda qalalyq ІІD-niń esirtkimen kúres qyzmeti «Uljan» yqsham aýdanynyń 34 jasar turǵynynan 20 keli esirtki tárkiledi,
dep habarlaıdy QazAqparat Almaty qalalyq ІІD-niń baspasóz qyzmetine silteme jasap.
Qylmyskerdi qalalyq ishki ister qyzmetkerleri Túrkisib aýdanyndaǵy 13-shi áskerı qalashyq mańynda qolǵa túsirgen.
«Bizge Almatyǵa Shý aımaǵynan ákelingen esirtkiniń saýdaǵa túsip jatqandyǵy jóninde senimdi kózden jedel aqparat kelip tústi. Qylmysker ishine marıhýana toltyrylǵan eki qytaı sómkesin ustap adamy az kóshemen satyp alýshyǵa barǵan. Qolǵa túsirý barysynda kúdikti salqynqandylyq tanytty, suraqtarǵa senimdi, anyq jaýap berdi. Biraq, tekserýdi shatastyrý úshin shynaıylyq tanyta qoımady», deıdi Almaty qalalyq ІІD-niń esirtki bıznesimen kúres basqarmasynyń bastyǵy Denıs Loskýtov. Onyń aıtýynsha, qazirdiń ózinde satýshylar men jetkizýshilerdiń jáne satyp alýshynyń esimderi belgili bolyp otyr. Áli de birqatar jedel izdestirý sharalarynan keıin olar da tutqyndalmaq.
Tárkilengen esirtki hımııalyq saraptama ortalyǵyna jiberildi. Al zań buzýshylyqqa tuńǵysh ret jol berip otyrǵan qylmysker ýaqytsha ustaý orynyna qamaldy.
Jyl basynan beri Almaty polıtseıleri 496 esirtki qylmysyn áshkerelegen. Nátıjesinde 220 keli esirtki tárkilense, onyń ishinde 10 kg geroın, 167 kg marıhýana jáne 12 kg gashısh pen basqa da esirtki zattary bar.
