09:48, 14 Shilde 2022 | GMT +5
Almatyda iri kólemde dezınfektsııalyq zattardy zańsyz daıyndaý deregi anyqtaldy
NUR-SULTAN. QazAqparat - Qarjylyq monıtorıng agenttigi Almaty qalasy boıynsha departamenti mamandary iri kólemde «Septohım» markaly kontrafaktilik dezınfektsııalyq zattardy zańsyz daıyndaý jáne satý deregin anyqtady, dep habarlaıdy QazAqparat.
«Jedel izdestirý sharalary barysynda atalǵan ónimdi zańsyz óndirgen tulǵalar ustalyp, kásiporynnyń keńsesi men óndiristik tsehy anyqtaldy. Іzdestirý sharalary nátıjesinde árqaısysynyń syıymdylyǵy 5 lıtrlik 300-den astam bótelke tabylyp, tárkilendi.
Zańsyz óndirilgen jáne ótkizilgen kontrafaktilik «Septohım» markaly dezınfektsııalyq zattardan keltirilgen materıaldyq zalaldyń somasy 20 mln teńgeden asady», - dep jazdy vedomstvodan.
Qazirgi tańda atalǵan fakti boıynsha sotqa deıingi tergeý amaldary júrgizilýde.