Almatyda iri bazarlar mańyndaǵy 47 zańsyz saýda oryndary anyqtalyp, jabyldy
ALMATY. 1 tamyz. QazAqparat /Erbol Azanbek/ - Almatyda zańsyz jumys istep kelgen 11 dúńgirshek jabylyp, sanıtarlyq zańdylyqtardy buzǵan 6 dúńgirshek anyqtaldy.
Bul dúńgirshekter 22-28 shilde aralyǵynda qalalyq sanıtarlyq- epıdemıologııalyq qyzmet pen (SEQ) aýdandyq ІІB, ákimshiliktermen birlese otyryp júrgizgen tekserisi barysynda belgili bolǵan. Bul týraly qalalyq SEQ habarlady.
Tekseris kezinde óz betimen saýda jasaǵan 71 oryn anyqtalyp, olardyń 61-iniń jumysy toqtatyldy. «Bolashaq», «Qulager», «Juldyz», «Tastaq», «Kárim», «Sary Arqa», «Sálem» bazarlary mańyn tekserý kezinde 47 zańsyz saýda oryndary anyqtalyp, jabylǵan.
Tekserister zańsyz saýda nysandarymen qatar, olarda satylyp jatqan ónimderge de júrgizilgenin aıta ketý kerek. Tekseris aıasynda bazarlarda satylyp jatqan kókónisterden nıtrattardyń mólsherin anyqtaýǵa arnalǵan 98 túrli synaq alynǵan. Nátıjesinde Ramstor, Mega, «Darhan» SÚ men Áýezov aýdanyndaǵy zańsyz saýda oryndarynan alynǵan 6 qarbyz, qaýyn synamalaryndyǵy nıtrattar kólemi 6,1 paıyzǵa artyq ekendigi anyqtaldy.
Bunyń nátıjesinde 250 keli baqsha ónimderi satylymnan alyndy.
