Almatyda iri avtoparktiń jabylýyna ne sebep boldy
ALMATY. QazAqparat - Almaty qalalyq mobıldilik basqarmasy tasymaldaýshylardyń biri naryqtan ne sebepti ketkenin túsindirdi, dep habarlaıdy QazAqparat tilshisi.
«AvtoTransGaz» JShS qalalyq mobıldilik basqarmasyna qańtar aıynda óz qyzmetin toqtatatynyn habarlaǵan. Aıta ketý kerek, kompanııanyń jabylýy - bul qalypty bıznes-protsess. Keı avtobýstar aýystyrýdy talap etti, oǵan kompanııa daıyn bolmady, sondyqtan naryqtan ketý jóninde sheshim qabyldady», - dep túsindirdi basqarmadaǵylar.
Sonymen qatar, olardyń marshrýttaryn jańa avtobýstar satyp alý úshin basqa tasymaldaýshylarǵa berý josparlanǵan. Alaıda, pandemııaǵa baılanysty qoǵamdyq kólikti satyp alý jáne jetkizý protsesi keıinge qaldy.
«Búgingi tańda kompanııa qyzmet kórsetetin 12 marshrýt rezerv avtobýstary bar basqa tasymaldaýshylarǵa berildi. Shynynda da, qazir avtobýs jetispeýshiligi problemasy bar, keı marshrýttar jeliniń tek 60%-yn ǵana jaýyp otyr. Qazir basqarma osy baǵytta jumys istep jatyr. Sondyqtan kóp uzamaı másele sheshiledi. Jańa avtobýstarmen qamtamasyz etiledi», - dep atap ótti basqarmadaǵylar.
Aıta keteıik, qala turǵyndary jelidegi avtobýs sanynyń azaıýyna narazylyq bildirip jatyr.
Búgin Almatyda eń iri avtoparkterdiń biri «AvtoTransGaz» JShS ekonomıkalyq ahýaldyń kesirinen naryqtan ketkeni belgili boldy. Bul kompanııanyń marshrýttary basqa tasymaldaýshylarǵa berildi.
