Almatyda iri avtopark naryqtan ketti
ALMATY. QazAqparat - Almatyda eń iri avtoparkterdiń biri «AvtoTransGaz» JShS ekonomıkalyq ahýaldyń kesirinen naryqtan ketti, dep habarlaıdy QazAqparat tilshisi.
Bul kompanııanyń marshrýttary basqa tasymaldaýshylarǵa berildi.
«Qurmetti jolaýshylar, 16, 29, 29-r, 34, 47, 50, 85, 106, 112 jáne 126 baǵyttar - «AlmatyElektroTrans» JShS, 3 baǵyt - «SıtıBas» JShS, 107-baǵyt - «Batý Trevel» JShS berildi, 108-baǵdar ázirge jumys istemeıdi», - dep jazdy Almaty Avtobustary .
Naryqtan iri avtopark ketip bara jatqanyn qalalyq mobıldilik basqarmasynyń basshysy Erlan Ádilov ta rastady.
«Búginnen bastap ekonomıkalyq ahýalǵa baılanysty kompanııa jumysyn toqtatty. Qazir ekonomıkalyq jaǵdaıdy qarap jatyrmyz. Kásiporyndy shyǵarýǵa áli erte dep oılaımyn. Bul kompanııa qalada 12 baǵytqa qyzmet etedi eken. «AlmatyElektroTrans» JShS kúshimen rezervtegi avtobýstardy osy marshrýttarǵa shyǵardyq. Bul kompanııanyń júrgizýshileri basqa kásiporyndarǵa jumysqa shyǵady», - dedi Erlan Ádilov.
