Almatyda «iProf'11» kásibı ınternet-konferentsııasy bolady
ALMATY. 12 qarasha. QazAqparat /Erlik Erjanuly/ - Almatyda 16 qarashada Qazaqstannyń menedjment, ekonomıka jáne boljaý ınstıtýtynda «iProf'11» kásibı ınternet-konferentsııasy bolady. Bul sharanyń basty maqsaty - tyńdaýshylarǵa bilim berip, ony iste synaýdy úıretý.
Konferentsııa jumysy «Internet-marketıng» jáne «Qaznettegi startaptar» degen taqyryptaǵy sessııalar boıynsha júrmek. Alǵashqy sessııada ınternet salasyndaǵy qas sheberlerdiń kontenttik jarnama, smm, jelidegi vırýstyq marketıng, vıdeo, mobıldi marketıng sııaqty ınternet-marketıng quraldaryn qoldanýdaǵy óz ádisterimen bólisedi. Al ekinshi sessııada «Qaznettegi startaptar» sııaqty tuǵyrnama aıasynda Qazaqstandaǵy eń qyzyqty startaptar men osy saladaǵy sarapshylar bir alańda bas qosady. Onda startaptar, ınvestorlar men sarapshylar birlesken jobalar jasaý protsesinde ózderine qoıylatyn eń ózekti saýaldar boıynsha sheberlik dáristerin júrgizedi.
