Almatyda ınjenerlik jelilerdi jóndeý turǵyndarǵa qolaısyzdyq týǵyzbaıdy
ALMATY. QazAqparat- Almatyda ınjenerlik jelilerdi qaıta qalpyna keltirý jumystary turǵyndarǵa kedergi keltirmeıdi. Bul jumystar jyl saıyn jylytý maýsymy aldynda júrgiziledi, dep habarlaıdy QazAqparat tilshisi.
Almaty qalasynyń Energotıimdilik jáne ınfraqurylymdyq damý basqarmasynyń habarlaýynsha, ınjenerlik jelilerge jóndeý jumystary josparǵa saı júrgizilýde.
«Jóndeý jumystary júrip jatqan jelilerge qosylǵan úılerdiń turǵyndaryna qolaısyzdyq týmaıdy. Almatylyqtar úshin barlyq jaǵdaı jasalyp jatyr. Búgingi kúni qubyrlar aýystyrylýda. Desekte, turǵyndarǵa ystyq sý berý toqtylǵan joq. Sýdy tutynýshylarǵa ýaqytsha shemalar arqyly jetkizip otyrmyz», - deıdi Almaty qalasynyń Energotıimdilik jáne ınfraqurylymdyq damý basqarmasynyń basshysy Áset Masabaev.
Mundaı tásil birden birneshe máseleni sheshedi. Almatylyqtarǵa tolyqqandy jáne sapaly kommmýnaldyq qyzmet kórsetýmen qatar, qarjylyq jáne tehnıkalyq jaǵdaı da jaqsarady. Bul árıne kórsetilgen kommýnaldyq qyzmet tólemderine baılanysty, deıdi ol.
Alaıda,tehnıkalyq turǵydan múmkin emes nemese qymbat turatyn nysandar da bar. Mysaly, turǵyn úı qaıta qalpyna keltirilgen jylý magıstralynan úlken qashyqtyqta ornalassa, ony basqa jelige aýystyrý tehnıkalyq jaǵynan múmkin emes jáne ýaqytsha qubyr salý turaqty qubyr salýymen teńestiriledi.
Sýyq sýmen jabdyqtaý jáne káriz júıelerinde mundaı problemalar joq. Óıtkeni, bul jelilerdi jóndeý kezinde tutynýshylarǵa toqtaýsyz sý beriledi. Bul basqa keste boıynsha iske asyrylady.
Sondaı-aq, basqarma basshysy áleýmettik jelide taraǵan «Jóndeý jumystary kezinde turǵyn úıler men áleýmettik nysandarǵa ýzaq ýaqytqa deıin kommýnaldyq qyzmet kórsetilmeıdi», degen aqparatty joqqa shyǵardy.
«Ystyq jáne sýyq sýdy uzaq ýaqytqa sóndirý qalada bolǵan joq. Arakidik oryn alatyn tótenshe jaǵdaılar tez arada sheshiledi. Tozǵan ınjenerlik jeliler isten shyqqanda birden qalpyna keltirýge tyrysamyz. Qazirgi zamanǵy tehnologııalardyń kómegimen apatty joıý jáne jylý, sýmen jabdyqtaýdy qalpyna keltirý ýaqyty ortasha eseppen 6-7 saǵatqa deıin qysqardy»-deıdi basqarma basshysy.
2014 jyldan bastap jylý jelileriniń tozýy 63,5% -dan 61,3% -ǵa deıin tómendedi, al magıstraldy jylý jelileriniń zaqymdanýy 37% -ǵa azaıdy.
Sońǵy 5 jylda Almatyda 103,8 shaqyrym magıstraldy jylý jelileri qaıta quryldy, onyń ishinde «Nurly jol» baǵdarlamasy boıynsha 28,6 km aýystyryldy.
