Almatyda ınjenerlik jeli qurylysyn júrgizgen kompanııa jaýapkershilikke tartyldy
ALMATY. QazAqparat – Almatyda ekinshi ret ınjenerlik jeli qurylysynda zań buzǵan merdiger kompanııalarǵa qatań shara qoldanylyp jatyr, dep habarlaıdy QazAqparat tilshisi.
Almaty ákimi kólik magıstraldarynda jumys istep jatqan merdiger kompanııalarǵa qatań talap qoıǵan. Sol talaptardyń oryndalýyn qalalyq Qala qurylysy basqarmasy tekserdi. Tekserý nátıjesinde Tóle bı kóshesiniń N. Tilendıev pen A.Baıtursynov kósheleri aralyǵyndaǵy ýchaskesinde ınjenerlik jelilerdiń rekonstrýktsııasy kezinde zań talaptary buzylǵany anyqtaldy.
«Atap aıtqanda, qurylys jumystary jobalyq sheshimderge saı júrgizilmegen. Joba boıynsha avtojoldardyń astyna ketetin jeliler gorızontaldy burǵylaý arqyly júrgizilýi tıis bolǵan. Al shyn máninde sý qubyry, káriz, elektr jelisi, gazben qamtý jelileriniń fýtlıary ashyq ádispen jasalǵan. Bul jol qozǵalysyn qıyndatyp, keptelis týdyrǵan», - dedi qalalyq Qala qurylysy basqarmasynan.
Sonymen qatar jer jumystarynda topyraq qajetti dárejege deıin tyǵyzdalmaǵan. «AGS Plast» JShS merdigerlik kompanııasyna QR ÁqbK 312-babynyń 1-bólimi jáne 315-babymen ákimshilik is qozǵaldy.
