Almatyda ınjenerlik kommýnıkatsııalardy qoldaný men onyń jaǵdaıyn baqylaýǵa arnalǵan birińǵaı elektrondyq aqparattyq jeli qurylady
ALMATY. 13 sáýir. QazAqparat /Názıra Eleýhan/ - Jaqynda Almatyda qala ákimdiginde ınjenerlik jeliler jóninde ótken keńeste qala basshysy mindetin atqarýshy Ahmetjan Esimov ınjenerlik jelilerdiń biryńǵaı aqparattyq jelisin qalyptastyrýdy, kezekshi elektrondy jospar arqyly jumysty jandandyrýdy tapsyrǵan bolatyn.
Tapsyrmaǵa oraı, qalanyń ınjenerlik ınfraqurylymynyń tıimdiligin arttyrý, turaqty jáne senimdi jumys isteýin qamtamasyz etý maqsatynda ınjenerlik jeliniń kezekshilik josparyn qaıta qalyptastyrý ári biryńǵaı kadastrly elektrondy bazasyn jasaý týraly sheshim qabyldandy. Qalanyń ınjenerlik jelisiniń kezekshilik josparyn jasaý isi 2011 jyldyń aıaǵynda tolyq qalyptasatyn bolady dep josparlanýda.
Budan ózge, keńeste negizgi magıstraldarǵa qatysty jumystardy barynsha sapaly júrgizý, jasalǵan ınjenerlik jelilerdi topyraq astynda retsiz qaldyrmaýdy qatań baqylaýǵa alý qajettigi de atap kórsetildi.
