Almatyda ınvestorlarǵa arnalǵan saıt iske qosyldy
ALMATY. QazAqparat - Almatyda ınvestorlarǵa arnalǵan investinalmaty.org saıty iske qosyldy, onda ınvestorlar megapolıstiń ınvestıtsııalyq áleýeti týraly barlyq qajetti aqparatty ala alady, dep habarlaıdy QazAqparat tilshisi qalalyq ákimdikke silteme jasaı otyryp.
Saıttaǵy barlyq derekter aǵylshyn tilinde berilgen, sondaı-aq olar «why», «what», «how», «assistance», «events» jáne «register» sekildi 6 bólimge bólingen.
«Portalda áleýetti jáne áreket etip júrgen ınvestorlarǵa saýda, qyzmet kórsetý, tamaq óndirisi, jeńil ónerkásip, logıstıka jáne t.b. osy sekildi ınvestıtsııalaýdyń basym salalarynyń tusaýkeserleri kórsetiletin bolady. Budan basqa, ınvestorlar Almatynyń jumysy týraly pikiri men usynymdaryn qaldyra alady. Ári qaraı portalda «onlaın» rejiminde Investorlar keńesin, Investıtsııalyq forým jáne basqa da is-sharalar ótkizý josparlanyp otyr, sondaı-aq turaqty túrde aldaǵy ıventter týraly aqparatty jańartyp otyrý jumysy ótkiziletin bolady», delingen habarlamada.
