Almatyda Investorlar men kredıtorlar klýbynyń 6-otyrysy ótip jatyr
; ALMATY. 18 qarasha. QazAqparat /Erlik Erjanuly/ - Halyqaralyq agenttiktiń Qazaqstannyń kredıttik reıtıngin kóterýi naryqtaǵy úlken belgi.
Bul týraly búgin Almatyda ótip jatqan Investorlar men kredıtorlar klýbynyń 6-otyrysynda aıtyldy.
"Bul eń aldymen Úkimettiń jeńisi. Endi bankter men ulttyq kompanııalardyń da reıtınginiń kóterilýi kútilýde. Investıtsııalyq qyzmetti jandandyrý qajet. Klýbyń ózektiligi jáne ınvestorlar men kredıtorlar arasyndaǵy suhbattyń mańyzy kemigen joq, qaıta odan ary artýda", - deıdi klýbtyń Qamqorshylar keńesiniń múshesi "Qazaqstan temirjoly" UK" AQ-nyń logıstıka jónindegi vıtse-prezıdenti Erhat Isqalıev. Bul basqosýǵa klýb músheleri men bıznes pen memlekettik organdardyń ókilderi qatysýda. Májilis jumysy - "Memlekettik organdarmen ózara árekettestik", "Jobalardy qurylymdaýdyń máseleleri. Qosylý men sińý kelisimderi", "Qarjy quraldary. Memlekettik-jeke áriptestik", "Energetıka. Salalyq taldaý. Investıtsııalyq jobalar", "Aımaqtar taldaýy", "Uıymdastyrý jumystary" tárizdi sektsııalar boıynsha júrmek.
