Almatyda ınvataksı qyzmetine 920 mln teńge bólindi
ALMATY. QazAqparat - Almatyda ınvataksı qyzmeti boıynsha ilki joba iske qosyldy. Joba osy jyldyń qyrkúıegine deıin eki aı ishinde pılottyq rejımde iske asyrylady.
Bul týraly qalalyq jumyspen qamtý jáne áleýmettik baǵdarlamalar basqarmasynyń basshysy Baýyrjan Jaýbasov aıtty, dep habarlaıdy QazAqparat tilshisi.
Spıkerdiń sózinshe, megapolıste «Invataksı» qyzmetin 2 myńnan astam adam paıdalanady, onyń 800-i múgedek bala. Bıyl ınvataksı qyzmetin uıymdastyrýǵa jergilikti bıýdjetten 920 mln teńge bólindi.
«Buǵan deıin megapolıste qosymsha qajettiligi bar adamdardy tasymaldaýǵa mamandandyrylǵan kólik tapshylyǵy baıqalǵan bolatyn jáne de ınvataksı qyzmetteriniń sapasyna qatysty eskertýler bolǵan. Kórsetiletin qyzmetterdi barynsha qamtý jáne sapasyn arttyrý úshin Almaty qalasy ákimdiginiń bastamasymen jáne Eńbek mınıstrliginiń qoldaýymen «ıAndeks. Taksı» agregatory arqyly ınvataksı qyzmetterin usyný jobasy júzege asty», - dedi Baýyrjan Jaýbasov.
Sonymen qatar, ol joba aıasynda oń nátıjeleri boıynsha QR Eńbek jáne halyqty áleýmettik qorǵaý mınıstrligi normatıvtik-quqyqtyq aktilerge tıisti ózgerister engizýdi josparlap otyrǵanyn atap ótti.
Qyzmetti jetkizýshiler úshin ıAndeks Taksı platformasynda eseptik jazbalar jasaldy jáne múgedektigi bar adamdardy pılottyq jobaǵa qosý múmkindigi berildi.
Osy pılottyq jobaǵa qosylǵan múgedektigi bar adamdar «ıAndeks taksı» qosymshasy arqyly qyzmetterge tapsyrys berýdi yńǵaıly ýaqytta ıAndeks Go qosymshasynda arnaıy ázirlengen «INVA» tarıfi arqyly derbes júzege asyra alady.
Bul pılottyq jobada jol júrisine shekteý bar. Múgedektigi bar bir adam úshin kúnine 2 sapardan aspaıtyn lımıt belgilengen.
«ıAndeks.taksı» agregatory arqyly ınvataksı qyzmetterin alý úshin múgedektigi bar adamdar ınvataksı qyzmetterin qoldanystaǵy jetkizýshiler arqyly avtorızatsııalanýy qajet (QB «Inclusion.kz» - kreslo-arbamen qozǵalatyn múgedek adamdar úshin (24 kólik); «TsRÝ Invataksı» JShS-kreslo-arbamen qozǵalatyn balalar úshin (24 kólik); «social Project Organization Group» QB – aýtızmi bar balalar úshin (14 avtokólik); «zor QB Densaýlyq» - balalar men eresekterge arnalǵan kórý qabileti buzylǵan balalarǵa arnalǵan (balalarǵa arnalǵan 16 avtomobıl jáne eresekterge arnalǵan 22 kólik)»,- dep atap ótti basqarma basshysy.
Aıta ketý kerek, jyl saıyn bul qyzmetke qajettilik artyp keledi: 2021 jyly 1462 múgedek adam, onyń ishinde 357 múgedek bala bolsa, al 2022 jyly 1488 múgedek adam, onyń ishinde 632 múgedek bala.
