Almatyda ıntım qyzmet kórsetetin erkekterdi tonaǵan top ustaldy
ALMATY. QazAqparat- Almatyda ıntım qyzmet kórsetetin erkekterdi tonaýmen aınalysqan qylmystyq top ustaldy, dep habarlaıdy QazAqparat tilshisi.
Polıtsııa departamentiniń habarlaýynsha, ustalǵan tórt kúdiktiniń bireýi áıel. Olar qalada páter jaldap, ıntım qyzmet kórsetetin erkekterge qońyraý shalyp, páterge shaqyrǵan. Keıin ony bári jabylyp uryp-soǵyp, aqshasyn, baǵaly zattaryn tartyp alǵan.
«Kúdiktiler qonaqtaryn jalǵa alynǵan páterge shaqyryp otyrǵan. Kúsh kórsetý arqyly olardyń qundy zattaryn: aqsha, uıaly telefondar, zergerlik buıymdaryn tartyp alǵan. Qaraqshylar jynystyq qyzmet kórsetetin erkekter polıtsııaǵa barmaıdy dep oılasa kerek. Olardyń qalada jasaǵan osyndaı 4 epızody dáleldendi. Kúdiktilerdiń ekeýi buryn bireýdiń múlikin qoldy etkenderi úshin jaýapqa tartylǵan. Eń jasy úlkeni qyz, ol 27 jasta, qalǵan qatysýshylar 1998, 1999 jáne 2000 jyly týǵandar. Olar Almatyǵa Qazaqstanyń basqa oblystarynan kelgen. Sondaı-aq, esh jerde jumys istemeıdi. Olar aqshany osyndaı qylmystyq jolmen tabýdy sheshken»-deıdi Medeý aýdandyq polıtsııa basqarmasynyń bastyǵy Ulan Ábilqaıyr
Qazir olardyń barlyǵy tergeý ızolıatorynda, QR QK 190 babynyń 2-bóligi – qaraqshylyq qylmysy boıynsha aıyptalýshy retinde sot otyrysyn kútýde.
