Almatyda «InterSport-2013» kórmesi ótip jatyr
ALMATY. 12 maýsym. QazAqparat - «InterSport» halyqaralyq sport kórmesi endi dástúrli sharaǵa aınalmaq.
«QazEkspoQyzmet» JShS-niń uıymdastyrý bóliminiń bastyǵy Elmıra Ábisheva búgin kórmeniń ashylý rásiminde osylaı aıtty.
Balýan Sholaq atyndaǵy sport saraıynda ótip jatqan bul sharany QR Sport jáne dene shynyqtyrý isteri agenttigi men Almaty qalasy ákimdiginiń qoldaýymen «QazEkspoQyzmet» kompanııasy uıymdastyryp otyr. Kórmege alys ta jaqyn shet elderden 40-tan astam kompanııa qatysýda. Olar - «sporttyq kıimder»; «sporttyq taǵamdar»; «jattyǵý zaldaryna arnalǵan qural-jabdyqtar»; «stadıon men alańdarǵa arnalǵan jabdyqtar»; «sporttyq jáne balalarǵa arnalǵan oıyn alańdaryn jasaý» bólimderi boıynsha óz ónimderin usynýda. E.Ábishevanyń aıtýynsha, qazir demeýshiler tarapynan bul kórmeni jyl saıyn ótetin dástúrli sharaǵa aınaldyryp, ony Almatyda da, Astanada da ótkizýge usynys jasalǵan.
Jalpy mundaı kórmeler elimizde buryn da uıymdastyrylǵan bolatyn. Ol kezde qoǵamda sporttyq kórmeniń ózektiligi tómen bolǵandyqtan, 2000 jyldan keıin toqtap qalǵan edi. Endi uzaq úzilisten keıin ol jańa sıpatta qaıta jańǵyryp otyr.
