Almatyda «Internettegi qazaqtildi mazmundy damytý jáne nasıhattaý» taqyrybynda semınar ótti
ALMATY. 18 qyrkúıek. QazAqparat - Almaty qalasyndaǵy Dostyq úıinde keshe, 17 qyrkúıek kúni «Internettegi qazaqtildi mazmundy damytý jáne nasıhattaý» taqyrybynda semınar ótkizildi.
Bul basqoýdy «WikiBilim» qoǵamdyq qory QR Mádenıet jáne aqparat mınıstrligi Til komıtetiniń qoldaýymen uıymdastyrdy.
Semınar jumysyna jaýapty memlekettik mekemeler ókilderi, sarapshylar, halyqaralyq jáne qazaqstandyq ınternet-jobalardyń jetekshileri, ǵylymı ortalyqtar men shyǵarmashylyq qaýymdastyq ókilderi qatysty. Mamandar ınternette memlekettik tildiń úlesin kóbeıtý men mazmunnyń sapasyn arttyrý jóninde oı bólisti.
Semınar aıasynda Qazaqstan Respýblıkasy Úkimetiniń qamqorlyǵymen júzege asyrylyp jatqan «WikiBilim» qoǵamdyq qorynyń birqatar jobalary tanystyryldy.
Atap aıtsaq, LoýrensLessıgtiń «Erkin mádenıet» atty kitabynyń qazaqsha basylymynyń «tusaýy» kesildi. Kitap mádenıet pen shyǵarmashylyqty erkin taratý maqsatynda ınternettegi avtorlyq quqyq máselelerin qaıta qarastyrýǵa arnalǵan. Bul basylym Qazaqstandakopıraıttan tys, erkin CreativeCommons lıtsenzııalarynyń negizindejaryq kórgen alǵashqy kitap.
Sonymen qatar, «Qazaqstannyń ashyq kitaphanasy» (www.iKitap.kz ) jobasynyńtanystyrylymy bolyp ótti. Kitaphanada CreativeCommons lıtsenzııalarynyń negizinde jaryq kórgen úlken kitap qory, aýdıo- jáne vıdeofaıldar jınaqtalǵan. Onyń negizin «Mádenı mura» memlekettik baǵdarlamasynyń aıasynda jaryq kórgen týyndylar quraıdy. Portal qazaqstandyq ınternet úshin kitapty onlaın oqýǵa jáne onyń mátinmen jumys isteýge múmkindik beretin biregeı qosymshasymen erekshe. Bolashaqta joba kitap taratýdyń ozyq tehnologııalaryna súıengen aýqymdy elektrondy kitaphanaǵa aınalýy tıis.
Sondaı-aq, kópshilikke kez kelgen saıttyń qurylymyna jeke modýl retinde qurylymdaýǵa bolatyn qazaq tiliniń ámbebap onlaın sózdigi tanystyryldy. Sózdik qazaq tiliniń úlken ádebı sózdiginiń negizinde jasalyp, búgingi kúnniń ózińde 120 myńnan asa sóz ben sóz tirkesin qamtyǵan. Ámbebap sózdik sózderdiń túsindirmesin ǵana berip qoımaı, leksıkalyq birliktiń orys jáne aǵylshyn tilderindegi aýdarmasyn, etımologııasy men sınonımderin bere alady. Joba qazaq tiline qatysty barlyq sózdikterdiń «agregatory» retinde oılastyrylyp qurastyrylǵan.
Semınar sheńberinde zamanaýı ınternet tehnologııalarmen jáne onlaın jýrnalıstıkanyń negizderimen tanysqysy keletinderge oqytý trenıngteri uıymdastyryldy. Trenıng kraýdsorsıng, blog bastaý jáne júrgizý, áleýmettik jelilerdi paıdalaný, ınternettegi avtorlyq quqyq sekildi taqyryptardy qamtydy, dep habarlaıdy QR Mádenıet jáne aqparat mınıstrligi Til komıtetiniń «WikiBilim» qoǵamdyq qory.
