Almatyda Internettegi qazaqtildi kontentti damytý joldary talqylanýda

Qazaqstandaǵy AQSh elshiliginiń qoldaýymen «Minber» jýrnalısterdi qoldaý ortalyǵy, «MediaLab» medıa kommýnıkatsııa ortalyǵy» QB-niń uıymdastyrýymen ótip jatqan dóńgelek ústel jumysyna qoǵamdyq birlestikterdiń, tanymal Internet-resýrstardyń ókilderi jáne memlekettik organ ókilderi qatysýda.

Dóńgelek ústel barysynda qazaqtildi saıttardy, ondaǵy kontentti damytý joldary talqylanýda. Túske deıin ótken jıynda qazaqtildi saıttardaǵy kontentke jalpy sholý jasalynyp, ony damytý joldaryn quqyqtyq turǵydan qamtamasyz etý, memlekettik qoldaý máselesi aıtyldy. Dóńgelek ústeldiń ekinshi bóliminde «Saıt ıeleri úshin kontentti damytýǵa qatysty keńester», «Qazaqsha Vıkıpedıany damytý joldaryna qatysty dárister» taqyrybynda trenıng ótkiziledi.

Bas qosýdyń ashylýynda AQSh-tyń Almatydaǵy bas konsýly Maıkl Snoýden: «Qazaqstan halqynyń HHІ ǵasyrdyń tehnıkalyq múmkindikterin paıdalana otyryp júzege asyrýǵa bolatyn orasan zor áleýeti bar ekenine senimdimin. Álemniń kez kelgen eli, kez kelgen ulty sııaqty olardyń da ınternetti óz tilinde sóıletýge jáne jańa tehnologııanyń áleýetin áleýmettik jelilerde jáne blogtarda jeke kózqarasyn bildirýden bastap aqparat almasýǵa qajetti platforma ázirleýge deıingi túrli maqsattaryna paıdalanýǵa tolyq qaqysy bar. Bul oraıda, AQSh-tyń Qazaqstandaǵy elshiligi men «Minber» jýrnalısterdi qoldaý qorynyń kózqarasy bir jerde toǵysyp otyrǵanyna qýanyshtymyn»,-dedi.

Sonymen qatar ol,: «Bul ıgi sharalar Qazaqstan prezıdentiniń «úsh tuǵyrly til» baǵdarlamasynyń aıasynda memlekettik tildiń deńgeıin kóterý saıasatymen sáıkes keledi dep oılaımyn. Sondyqtan bul dóńgelek ústel qazaq tiliniń deńgeıin kóterýge de, Qazaqstanda jańa tehnologııany damytýǵa da óz úlesin qosady dep senemin»,-dep atap ótti.

Maıkl Snoýdenniń pikirinshe, biz de «ǵalamdyq qaýymdastyq» degen uǵymnyń aıasyn keńeıtetin álemdi qalyptastyrýǵa qaraı umtylýymyz kerek.