Almatyda ınternet pen uıaly baılanysty jaqsartýdyń jańa jobasy qolǵa alynady

ALMATY. QazAqparat – Medeý aýdany turǵyndarymen kezdesýinde Almaty ákimi Erbolat Dosaev megapolıste ınternettiń sapasy men jyldamdyǵy qalaı arttyrylatynyn aıtty, dep habarlaıdy QazAqparat tilshisi.

Qala ákimimen kezdesýge kelgen Medeý aýdany turǵyndarynyń biri uıaly baılanys pen ınternet máselesin kóterdi. Tsıfrlandyrý basqarmasynyń basshysy Baıan Qońyrbaevtyń aıtýynsha, Medeý aýdanynda mobıldi ınternet jumys isteıdi, biraq radıofobııa máselesi bar.

«Jaqynda bir stantsııany alyp tastadyq. Turaqty talshyqty-optıkalyq baılanys jelisine keletin bolsaq, bul máseleni jyl sońyna deıin sheshýdi josparlap otyrmyz. Núktede kem degende eki operator paıda bolady», - dedi ol.

Erbolat Dosaev qaladaǵy uıaly baılanysty jaqsartý úshin jańa dińgekti stansalar salynatynyn aıtty.

«Statsıonarly ınternet boıynsha ýaıymdamańyzdar, jeliler jyl sońyna deıin tartylady. Uıaly baılanys operatorlary máselesi boıynsha jańa joba bastalyp jatyr. Dińgekti qurylymdar salyp, uıaly baılanys operatorlaryna ruqsat beremiz. Kelesi aptada qaladaǵy barlyq uıaly baılanys operatorlarymen kezdesý ótkizemin. Usynystar bar, tehnıkalyq jaǵynan daıynbyz. Olarmen kelisimge kelsek, baılanys sapasy nashar yqshamaýdandarǵa ornatýdy bastaımyz», - dedi Erbolat Dosaev.