Almatyda ınternet-alaıaqtyq eki ese artqan
«IT tehnologııalar salasyndaǵy qylmysqa qatysty máseleler ózekti bolyp qalýda. Búginde qylmyskerler ózderiniń paıdakúnemdik maqsattaryna jetý úshin áleýmettik jelilerdi, sondaı-aq ınternet keńistigin belsendi túrde paıdalanýda», - deıdi Almatynyń bas polıtseıi Qanat Taımerdenov.
Osyndaı qylmys túrlerin ashýmen aınalysatyn polıtsııa departamentinde aqparattyq tehnologııalardy meńgergen arnaıy jumys toby quryldy. Jedel-tergeý tobynyń negizgi mindeti - atalǵan sanattaǵy qylmystyq isterdi ashý.
«Biz alaıaqtyq jarnamalary bar ınternet-saıttardy anyqtaý boıynsha jumysymyzdy jetildirdik. Olar «Kıbernadzor» júıesi arqyly buǵattalady. Barlyǵy 1,5 myń osyǵan uqsas resýrs buǵattaldy. Sonymen qatar, ınternet-alaıaqtyqtyń keń taraǵan túrleri, olardyń aldyn alý joldary týraly aqparattar bar áleýmettik rolıkter keńinen taratylýda», – dedi Qanat Taımerdenov.
Sondaı-aq, Almaty qalasynyń bas polıtseıi qabyldanǵan sharalardyń nátıjesinde birinshi toqsanda ınternet-alaıaqtyqtyń 45%-ǵa azaıyp, onyń ashylý kórsetkishi 17%-ǵa jaqsarǵanyn atap ótti.
