Almatyda ınteraktıvti dinı kartasyna 40 qońyraý túsken
«Social Development Center» qoǵamdyq qorynyń atqarýshy dırektory Qazturǵanov Birjan atalǵan resýrstyń qoıylǵan maqsattyń údesinen shyqqanyn aıtty.
«Qazirgi zamanaýı qoǵamda jastar arasynda din, dinı dogmat, dinı nyshan, dinı sana-senim, dindarlyqtyń tabıǵı jáne jasandy úderisi beleń alyp jatyr. Bul jerdegi basty maqsat – halyqtyń sana-senimine qoǵamdaǵy tirkelmegen dinı uıymdar men destrýktıvti aǵymdardyń teris yqpal áreketterinen din turǵysynda maksımaldyq jáne senimdi maǵlumat jetkizý. «Almaty qalalyq Interaktıvti dinı kartasy» jobasy osy maqsatpen quryldy. Bul tolyqtaı aqparat engizilgen elektrondyq portal bolyp. Kartada qala aýmaǵynda tirkelgen barlyq dinı birlestikter týraly qajetti anyqtamalar, málimetter (meken-jaıy, baılanys, qyzmetkerleri, tirkeý jáne qaıta tirkeý kúni, dinı uıymǵa kelýshilerdiń ortasha sany týraly málimet), dinı ǵımarattar, olardyń qasbeti men ınterer sýretteri, dinı ádebıetterdi taratýǵa ruqsat etilgen jerler, Almaty qalasy tóńireginde óz qyzmetin júzege asyrýǵa ruqsat alǵan mıssıonerler týraly derekter kórsetilgen», - dedi Birjan Qaztýǵanov.
Sonymen qatar, bul resýrstyń dinı ekstremızmniń aldyn alýda yqpaly tıip jatyr.
Kez-kelgen adam búginde religionmap.kz saıty arqyly zańsyz turǵyda mıssıonerlik qyzmet pen dinı ádebıet taratýda jáne basqa da zań buzýshylyqtar týraly habarlaı alady.
«Ol úshin aqparatty standarttyq formany toltyrý kerek, onyń negizinde WhatsApp, Telegram jáne Viber sııaqty nemese basqa da messendjermen ótinish qaldyra alady. ıAǵnı, qala turǵyndary ártúrli radıkaldy ıdeologııa men ekstremıstik dinı ilimmen kúresý maqsatynda destrýktıvti dinı aǵymdardyń problemalary men quqyq buzýshylyqtary týraly habardar etip, erikti kómekshige aınalady», - dedi spıker.
Onyń aıtýynsha, «Social Development Center» Qoǵamdyq Qory jobany júzege asyrǵaly beri 40-tan astam ótinish religionmap.kz saıtyna mesendjer arqyly kelip tústi. «Ótinishter Qoǵamdyq damý basqarmasynyń qaraýyna jiberildi. Qala turǵyndary men qonaqtary belgili nemese sol aýmaqta tirkelgen zańdy dinı birlestikterdiń ornalasý aýmaǵyn bilý maqsatynda habarlasyp, zańsyz satylymdaǵy dinı ádebıetter men atrıbýttar, mıssıonerlik qyzmetpen aınalysatyn kúdikti tulǵalar men birlestikter týraly aqparatpen bólisedi. Mundaı biregeı jobanyń TMD aımaǵynda balamasy joq. Adamdar arnaıy habarlama qaldyryp, destrýktıvti uıymdar týraly málimet qaldyra alady», - dedi ol.
Bul karta 2017 jyly qyrkúıekte ashylǵan bolatyn.
Sarapshylardyń aıtýynsha, dinı ekstremızm ıdeologııasynyń taralýyna kóptegen sebepter men faktorlar bar. Olardyń qatarynda jergilikti halyqtyń dinı saýattynyń tómendigin, jergilikti turǵyndardyń qala (memleketter) terrıtorııasynda áreket etip júrgen dinı uıymdardyń qyzmetteri jaıly habarsyzdyǵyn, ǵalamtordaǵy destrýktıvti aǵym músheleriniń belsendi áreketin atap ótýge bolady. Búgingi kúni ártúrli radıkaldy jáne ekstremıstik dinı aǵymdardyń, sonymen qatar destrýktıvti dinı ǵuryptardyń taralýy, qoǵamnyń beıbit damýyna jáne turaqtylyǵyna tónip turǵan eń úlken qaýipterdiń biri bolyp otyr. Ásirese, qoǵamda dinge degen qyzyǵýshylyqtyń ósýine baılanysty bul ózekti máselege aınaldy. Almatynyń ınteraktıvti dinı kartasy osy máseleni sheshýge arnalǵan.
