Almatyda ıntellektýaldyq ultty qalyptastyrý máseleleri talqylandy
ALMATY. Mamyrdyń 24-i. QazAqparat /Erbol Azanbek/ - Ál-Farabı atyndaǵy Qazaq ulttyq ýnıversıtetinde «Qazaqstan Respýblıkasynyń halyqaralyq ımıdji qalyptasý konteksinde ıntellektýaldyq ult qalyptastyrý» atty halyqaralyq ǵylymı-praktıkalyq konferentsııa ótti,
dep habarlaıdy QazAqparat.
Dástúrli X. Mustafın saıası oqýlary aıasynda ótken sharany QazUÝ-dyń saıasattaný kafedrasy uıymdastyrdy. Konferentsııa barysynda «Intellektýaldyq ult qalyptasýynyń teorııalyq-metodologııalyq aspektileri», «Qazaqstan Respýblıkasynyń bilim berý protsesindegi ınnovatsııalyq qyzmetiniń úrdisteri», «Adam resýrsy men ıntellektýaldyq kapıtal Qazaqstannyń ımıdjdik damýynyń mańyzdy faktory retinde», «Intellektýaldyq ult qalyptasýynyń teorııalyq-metodologııalyq aspektileri», «Intellektýaldyq ult- 2020» jobasy aıasynda Qazaqstannyń memlekettik-ınnovatsııalyq saıasaty» taqyryptary talqylandy. Sharaǵa óz baıandamalarymen Qazaqstan, Koreıa, AQSh pen Reseıdiń sarapshy ǵalymdary qatysty. QazUÝ-dyń saıasattaný kafedrasynyń meńgerýshisi Láılá Ivatovanyń aıtýynsha elimizde ıntellektýaldyq ultty qalyptastyrýdyń alǵysharttary bolǵanymen, ony júzege asyratyn naqty mehanızmderi joq. «Intellektýaldyq ult qalyptastyrý úshin ne isteý kerek degen msele búgingi konferentsııanyń basty taqyryby bolady» deıdi Láılá Ivatova. Onyń aıtýynsha, ıntellektýaldyq ultty qalyptastyrý bilim berý úrdisin jetildirýden bastalýy tıis. «Bul baǵytta bilim salasynda oń ózgerister oryn alyp jatyr. 3 satyly bilim júıesi men Bolon úrdisi osy ıntellektýaldyq ultty qalyptastyrý jolyndaǵy basty qadamdardyń biri» deıdi saıasattaný ǵylymdarynyń doktory.
