Almatyda ınspektor sheteldiktiń 10 myń dollaryn zańsyz ıemdengen

NUR-SULTAN. QazAqparat – Almatyda QHR azamatynyń 10 myń dollar aqshasyn zańsyz ıemdengen arnaıy jedel áreket etý jasaǵynyń 4 ınspektory anyqtaldy. Bul týraly onlaın brıfıngide QR Sybaılas jemqorlyqqa qarsy is-qımyl agenttiginiń Apparat basshysy Qýanysh Japaqov málim etti, dep habarlaıdy QazAqparat tilshisi.

Onyń sózine qaraǵanda, Almaty qalasy boıynsha departament qyzmetkerleri Polıtsııa departamenti ózindik qaýipsizdik basqarmasymen birlesip, arnaıy jedel áreket etý jasaǵynyń (SOBR) aǵa ınspektorynyń qylmysyn áshkereledi.

Belgili bolǵandaı, kúdikti ınspektor Polıtsııa departamentiniń laýazymdy qyzmetkerlerine para bergizýge QHR azamatyn ıtermelegen.

Ol qylmystyq qýdalaý toqtatylady degen jeleýmen qytaılyq azamattyń 10 myń AQSh dollary somasyndaǵy qarjysyn aldap ıemdenip alǵan.