Almatyda «Innovatsııalyq jobalardy ekologııalyq-ekonomıkalyq baǵyttaý» taqyrybynda óńirlik keńes ótti
dep habarlaıdy QazAqparat.
Qorshaǵan ortany qorǵaý mınıstrligi Ekologııalyq retteý jáne baqylaý komıtetiniń tóraǵasy Saǵynbek Mutashevtyń aıtýynsha, Elbasymyzdyń tapsyrmasyna oraı ekologııalyq ınnovatsııalardy engizýge, tehnologııalyq keshender men ekologııalyq jabdyqtyń óndirisi boıynsha zaýyttardy qurýǵa baǵyttalǵan «2010-2014» jyldarǵa «Jasyl Damý» memlekettik baǵdarlamasy ázirlengen. «Búgingi kúni óndiristik jáne tutynǵan qaldyqtardy esepke alý, óńdeý jáne zalalsyzdandyrýǵa qatysty kásiporyndar men óndiris oshaqtarynyń, avtokólik quraldarynyń paıdalanǵan qaldyqtaryn kómetin aımaqaralyq polıgonnyń joqtyǵy úlken másele bolyp otyr», deıdi S.Mutashev.
Keńeste iri tabıǵat paıdaalanýshylardyń - tabıǵat qorǵaý is-sharalaryn jáne óndiristik ekologııalyq baqylaý baǵdarlamalaryn oryndaýy, ındýstrııalyq-ınnovatsııalyq damýdyń 2010-2014 jyldarǵa arnalǵan memlekettik baǵdarlamamen iske asyrylatyn memlekettik ekologııalyq saraptamalarǵa monıtorıng júrgizý, óndiristik qaldyqtar jáne olardy tutyný jónindegi máseleler qyzý talqylandy.
Sonymen qatar, keńes barysynda atqarýshy organdarǵa polıgondarda ekologııalyq talaptarǵa sáıkes qaldyqtardyń suryptalýyn, shyǵarylýyn, saqtalýy men zalalsyzdandyrylýyn uıymdastyrý, olardy óńdeýge qatysty jaýapkershilikti arttyrý máselesi usynyldy.
Jıynǵa aýmaqtyq ekologııa departamentteriniń basshylary, QR Ulttyq banki jáne ekinshi deńgeıdegi bankter fılıaldarynyń, úkimettik emes uıymdar men iri tabıǵat paıdalanýshylardyq ókilderi qatysyp, baıandamalar oqydy.
