Almatyda Innovatsııalyq konvent ótip jatyr
Budan basqa jol joq". Ony Premer-Mınıstrdiń orynbasary, Indýstrııa jáne jańa tehnologııalar mınıstri Áset Isekeshev búgin Almaty qalasynyń І Innovatsııalyq konventinde aıtty, dep habarlaıdy QazAqparat.
"Búgingi bolyp otyrǵan ınnovatsııalyq forým respýblıka úshin eleýli oqıǵa. Elbasymyzdyń jańa ındýstrııalyq saıasatynda ınnovatsııaǵa basa nazar aýdarylady. Bul forýmnyń Almatyda ótkizilip otyrǵany kezdeısoq emes. Sebebi Almatyda elimizdiń ǵylymı ınstıtýttary, joǵary oqý oryndary jáne ǵalymdardyń kópshiligi shoǵyrlanǵan. Prezıdent óz Joldaýynda Qazaqstannyń daǵdarystan keıingi damýy týraly aıtty. Ekonomıkalyq damýdyń jańa deńgeıi, ınnovatsııalyq damý, ekonomıkanyń tıimdiligin arttyrý týraly atap kórsetti. Biz sizdermen, ıaǵnı ǵalymdar, stýdentter, árıne bıznespen birge ınnovatsııalyq ádister arnasyna burylýymyz kerek", deıdi Áset Órentaıuly. Mınıstrdiń aıtýynsha, Qazaqstan jahandaný jaǵdaıynda básekege qabiletti bolýy tıis. Prezıdent óziniń 2020 strategııasynda ındýstrıaldy-ınnovatsııalyq damý baǵyttaryn da aıqyndap berdi. Onda ındýstrııalandyrý týraly ǵana emes, ınnovatsııalyq ındýstrııalandyrý týraly aıtylǵan.
