Almatyda ınnovatsııa salasyndaǵy úzdik sarapshylar tájirıbelerimen almasty
Sammıt barysynda ınnovatsııa salasynda qyzmet etetin mamandar ózara tájirıbe almasty.
«Bıyl sammıt dástúrli bıznestiń transformatsııasyna arnaldy. Búgingi sammıt bank, maınıng salasy úshin de ózekti bolyp otyr. Sebebi, olarda tsıfrlyq tehnologııa qamtylǵan. Qazir barlyǵymyz mobıldi qoldanbalardy paıdalanamyz, sondyqtan basqa salalar belsendi túrde «tsıfrlanyp» jatyr», - dedi «Kommesk-Ómir» Saqtandyrý kompanııasy» AQ basqarmasynyń tóraǵasy Oleg Hanın.
Onyń aıtýynsha, Qazaqstanda «Bıznes transformatsııasy» taqyrybyna qyzyǵyp júrgender kóp eken.
«Bıznes paıda ákelýi úshin barlyǵymyz jańa tutynýshylardy, ónim naryǵyndaǵy jańa múmkindikter men damý joldaryn izdeımiz. Osynyń bárine kómektesetin trasformatsııa, aqparattyq tehnologııa, taldaý jáne málimetter», - dedi Oleg Hanın.
Jıynda ınnovatsııa tóńiregindegi otandyq jáne shetel sarapshylary, IT bıznestiń basshylary, basqarýshylary baıandama jasady. Arnaıy qonaq retinde AQSh-tan «Sáttilikke qarsy básekelestik» bestselleriniń teń avtory, Harvard Business Review, Wall Street Journal, Time ı Washington Post basylymdarynyń avtory Teddı Holl shaqyryldy.
Teddı Holdyń «Dástúrli bıznestiń transformatsııasy» atty dárisi tyńdarmandardyń qyzyǵýshylyǵyn oıatty. Dáristen keıin ol qonaqtardyń suraqtaryna jaýap berdi.
