Almatyda ınkassatorlyq kólik jol apatyn jasady
ASTANA. QazAqparat - Almatyda ál-Farabı dańǵyly men Gagarın kóshesiniń qıylysyna jaqyn jerde Ford Ranger ınkassatorlyq kóliktiń júrgizýshisi joldy bóletin metaldy konstrýktsııa men eki jeńil kólikti soqty, dep habarlaıdy QazAqparat.
Motor.kz-tiń jazýynsha, «Ford» júrgizýshisi ál-Farabı dańǵylymen qalanyń batys bóligine qaraı qozǵalyp kele jatqan jáne keıbir aqparattarǵa sáıkes, rýlde qalǵyp ketken-mys. Osynyń saldarynan brondalǵan kólik «kedergini» buzyp ótip, joldyń qarsy betine shyǵyp ketken jáne shyǵysqa qaraı bet alǵan Mercedes-Benz W124 jáne VW Passat Variant mashınalarymen soqtyǵysqan. Zardap shekkender joq. Germanııalyq ýnıversaldyń júrgizýshisi Ranger kóliginiń rýlinde boıjetken bolǵanyn jáne ol jol-kólik apatynan soń oqıǵa ornynan boı tasalaǵanyn habarlady. 
