Almatyda ınkassatorlarǵa shabýyl jasaldy
ALMATY. 28 naýryz. QazAqparat /Erbol Azanbek/ - Búgin Almatyda ınkassatorlyq kólikke shabýyl jasalyp, bir qyzmetker qaza tapty, dep habarlaıdy zakon.kz aqparattyq portaly.
Portaldyń habarlaýynsha, oqıǵa qalalyq prokýratýranyń dál túbinde, Bógenbaı batyr men Chaıkovskıı kósheleriniń qıylysynda oryn alǵan. «Shabýyl jasaýshylar ınkassatorlardyń qolyndaǵy qarýmen ınkassatorlardyń birin óltirgen. Eki jaqtan da bolǵan atys kezinde shabýyl jasaýshylardyń biri jaralanyp, bolmasa qaza tapqan. Qaraqshylar oqıǵa ornynan «Toyota Camry» kóligine otyryp, iz jasyrǵan. Qazirgi kezde qalada «Іzg túsý» jospary jasalynyp, qylmyskerler izdestirilýde. Saǵat 14.56-dan bastap, qalada «Sırena» jedel sharasy iske qosylǵan. Oqıǵa ornynda qalalyq ІІD-niń basshylary kelgen»,- deıdi portaldyń habarlamasynda.
Al qalalyq ІІD - niń baspasóz qyzmeti bul iske qatysty eshqandaı aqparat joqtyǵyn habarlap otyr.
