Almatyda ınkassator kóligi avtobýsqa soǵyldy
ALMATY. QazAqparat- Almatyda avtobýs ınkassator kóligine soǵyldy, dep habarlaıdy QazAqparat tilshisi. Onyń vıdeosy áleýmettik jelide tarady.
Almaty qalalyq Polıtsııa departamentiniń málimetinshe, jol apaty 25 jeltoqsan kúni tańǵy saǵat 7:40 shamasynda Abaı dańǵylynyń boıynda bolǵan.
«GAZ markaly avtokóliktiń 40 jastaǵy júrgizýshisi Abaı dańǵylynda, №141-úıge qarama-qarsy ońtústik baǵytta artqa burylyp, Abaı dańǵylymen batys baǵytta júrip kele jatqan Golden Dragon avtobýsymen soqtyǵysqan. Oqıǵa saldarynan GAZ kóliginiń júrgizýshisi zardap shekti. Ol aýrýhanaǵa jatqyzylǵan joq», - dedi Almaty Polıtsııa departamentiniń resmı ókili Saltanat Ázirbek.
Qazir bul derekti aýmaqtyq jaǵynan Almaly aýdanynyń polıtsııa qyzmetkerleri anyqtap jatyr.
Vıdeodan alynǵan kadr
