Almatyda ınkassator kóligi aýdarylyp qaldy
ALMATY. QazAqparat - Almatyda jol apatynan ınkassator kóligi aýdarylyp qaldy, dep habarlaıdy QazAqparat tilshisi oqıǵa ornynan.
Jol oqıǵasy Pavlodarskaıa kóshesinde bolǵan. Inkassator kóligi Leksýstyń artynan soltústik baǵytta qozǵalyp kele jatqan.
Kólikń qyzmetkerleriniń aıtýynsha, boıjetken tizgindegen Leksýs kenetten ońǵa alyp baryp, sol jaqqa shuǵyl burylmaq bolǵan.
Mundaı qozǵalysty kútpegen ınkassator júrgizýshisi tejegishti basyp úlgermegen. Júk kóligi jeńil kólikti artqy jaǵynan soǵyp, ınertsııamen ózi aýdarylyp qalǵan.
Bolǵan oqıǵanyń mán-jaıyn polıtsııa qyzmetkerleri anyqtap jatyr. Jol apatynan japa shekken ınkassatorlar aýrýhanaǵa jatýdan bas tartty.
