Almatyda ınformatıka páni boıynsha mektep olımpıadalary jáne ǵylymı jobalar jattyqtyrýshylaryna arnalǵan "Microsoft" jazǵy mektep-semınary ótip jatyr

dep habarlaıdy QazAqparat.

Atalmysh shara Biliktilikti arttyrý ınstıtýty jáne Almaty qalalyq bilim júıesine kadrlardy daıyndaý bólimi men QR Bilim jáne ǵylym mınıstrliginiń uıymdastyrýymen jáne "Microsoft Kazakhstan" kompanııasynyń qoldaýymen ótýde. Oǵan oblystyq biliktilikti arttyrý ınstıtýttarynyń, qalalyq jáne aýdandyq ınformatıka ádisteme kabınetteriniń ádiskerleri qatysýda. Oqytý eki tilde - orys jáne qazaq tilinde júrip jatyr.

Semınarǵa qatysýshylar ınformatıka boıynsha olımpıadalar men ǵylymı jobalardy uıymdastyrýdyń normatıvtik-quqyqtyq qamsyzdandyrylýy jáne onyń mazmunyna qoıylatyn talaptardy, osy saladaǵy oblystyq, respýblıkalyq jáne halyqaralyq olımpıada tapsyrmalaryn sheshýdiń ádistemesin, ǵylymı jobalardy jazyp shyǵarýdyń tehnologııasy men qoldanbaly olımpıada tapsyrmalaryn qurastyrýdyń ádistemesin qaraýda.

«Іs-sharanyń basty maqsaty - ınformatıka páni boıynsha olımpıadalar men túrli ǵylymı jobalarǵa oqýshylardy barynsha tıimdi daıyndaý maqsatynda jattyqtyrýshylardy oqytý", deıdi Maıkrosoft Qazaqstan bas dırektory Gıýnter Dam. Onyń aıtýynsha, dárister barysynda olımpıada jáne jobalar jóninde jan-jaqty aqparat berilip qana qoımaı, jattyqtyrýshylardyń oqýshylarmen aryqaraıǵy jumysyna edáýir kómek beretin barlyq máseleler qaralmaq.

Semınar tamyzdyń 13-ne deıin jalǵasady.