Almatyda Іnfoalmaty portalyna blokpostan ótýge 100 myń ótinim tústi
ALMATY. QazAqparat – Almatyda blokpostan ótý úshin oblys turǵyndarynan infoalmaty portalyna 100 myńnan asa ótinim túsken, dep habarlaıdy QazAqparat tilshisi.
«www.infoalmaty.kz portalyna 2020 jyldyń 12 mamyrynan túsken ótinishter Sergek bazasyna berildi. Bul málimetterde kámelettik jasqa tolmaǵan tulǵalar men Almatyda tirkelgen turǵyndardyń aty jóni kórsetilgen. Qaıtarylǵan ótinishterdi túzetip qaıta tapsyrýǵa bolady», - dedi Almaty Bıznes-shtabynyń telegram kanalynda.
Blokpostardy kesip ótýge 13-14 mamyrdan berilgen ótinishterdi de shtab ókilderi qarap, óńdeýge jiberdi.
«Ótinishterdiń kóp túsýine baılanysty tehnıkalyq múmkindikterdi eskere otyryp, sınhronızatsııa protsesi keshki 7-8 aralyǵynda aıaqtalady dep oılaımyz», - dedi shtabtan.
«Sergek» júıesinde eki baza bar. Birinshisi - planshet arqyly qalanyń ishindegi azamattardyń júris turysy baqylanady. Ekinshisi arqyly blokpost arqyly ótetin azamattar tekseriledi.
